Barazimi 2-2 ndaj Romës, në “Olimpico”, aq më tepër kur Juventusi luajti me një lojtar më pak nga minuta e 62-të (Rabiot mori kartonin e dytë të verdhë), vlen më shumë se një pikë. Me fluturimin e pazakontë të Critiano Ronaldos, bardhezinjtë shmangën një humbje që do të kishte ndikuar negativisht në aspektin moral. CR7, protagonist absolut i mbrëmjes, bashkë me Veretout të Romës, e sheh pozitivisht të ardhmen e “Zonjës së Vjetër”.
“Pasi shkuam në disavantazh, e dinim që ndeshja do të ishte e vështirë, por në fund morën një pikë të rëndësishme. Jemi në fillim të kampionatit, me një trajner të ri. Shoh një skuadër aktive, po bëjmë mirë. Shoh një të ardhme shumë pozitive.”
Kampionat me rivalitet: “Mendoj se Seria A është forcuar shumë, nga Interi, Milani e deri te ne. Është një është një kampionat më i vështirë se vitin e kaluar”.
Juvja e Pirlos: “Është shumë herët, por unë e shoh ekipin shumë më mirë, më të lumtur dhe duke punuar i qeshur. Kjo është shumë e rëndësishme”.
